Nhâ coraçon,
Contam'e porquê
Bô ta sinti amor
Sô pâ quem qui câ merecê
Dipôs pâ bô maguá
Sima criança tâ soluçá
Nhâ coraçon
Obi um consédje:
Pará! câ bô baté!
Sinão, bô disprendê di mi
Qu'pa ês câ brincá más
Cu inocência di nhas sentiment

Saltá di nhâ peito bô bai
Pâ ondê qui câ tem ninguém
Êss lute, 'm cã disejal na ninhum
Criston!
Êss mundo é câ pâ mi
É chêi di falsidade
É tude nhâ conclusão
Qu'el é real, e mi é sonho
Pâ quê qu'um crê vivê
S'um perdê nha cretchêu
Ma nem qui morte câ bem
'm tâ negâ vidad, tâ vivê.